Дресер открива зошто вашето куче не ве слуша: Проблемот може да биде дури и болка
Дали забележувате дека вашето куче понекогаш не ве слуша? Не грижете се, не сте единствени.
Препорачано
Многу сопственици на кучиња поминуваат време проучувајќи ја непослушноста на нивните кучиња, но според Џил Хасеворт дресерка за кучиња, во повеќето случаи тоа не треба да ве загрижува.
Повеќето кучиња кога одбиваат да ве послушаат и не го направат она што вие го барате, не значи дека тоа го прават намерно за да ве нервираат. Па, Хасеворт ги посочува петте причини поради кои вашето куче не реагира на вашите наредби.
Болка
Ако вашето куче е безволно и незаинтересирано кога му се обраќате со одредени наредби, можеби се има некаков здравствен проблем и се соочува со болка. Други знаци дека кучето има болка вклучуваат немир, ц, вознемиреност и агресија, па ако се сомневате дека болката може да биде движечкиот фактор зад одбивањето на вашето куче да ве слуша, препорачуваме да го однесете на ветеринар што е можно поскоро. Џил советува во овој случај што е можно поскоро да го однесете вашето куче на ветеринар.
Страв или стрес
Многу емоции како што се страв или стрес го блокираат делот од мозокот на кучето кој е одговорен за размислување, па тоа честопати не успева навремено да реагира.
Промена на локација
Според Џил, ако вашето куче ги извршува сите наредби во домот, тоа не значи дека ќе може да го направи и надвор додека е на прошетка. Во тие моменти кучето има безброј одвлекувања на вниманието околу себе и не успева да се фокусира на вашите наредби. Таа советува, ако сакате вашето куче да биде тивко кога ручате во некој ресторан, важно е да го дресирате и во тој амбиент, а не само дома.
Не разбира што барате од него
Иако сте го научиле на повеќе команди, во одредени ситуации кучето можеби нема да разбира што барате од него.
Тврдоглавост
Тврдоглавоста кај кучињата е иста како кај луѓето. Едноставно се одлучни да не прифатат наредба и покрај добрата причина. Кучињата најчесто го прават тоа што тие сакаат да го прават.
Следниот пат кога ќе почувствувате дека вашето куче не слуша, разгледајте ги горенаведените совети и проверете дали има причина за загриженост. Ако мислите дека вашето домашно милениче, има здравстен проблем и болка ви препорачуваме да контактирате со ветеринар или квалификуван дресер.
