Драмата продолжува: Бруклин Бекам купи вила од 11 милиони во Холивуд, јасно е дека нема да се врати дома
Бруклин Бекам, најстариот син на Дејвид Бекам, наводно потрошил 11 милиони фунти за нова вила со својата сопруга, актерката Никола Пелц, во потег што сигурно дополнително ќе го продлабочи јазот со неговите родители, објавува „Дејли мејл“.
Препорачано
Викторија и Дејвид Бекам се во сè позатегнати односи со нивниот син и неговата сопруга, особено откако младиот пар не се појави на ниту една од многуте забави за 50-тиот роденден на Дејвид.
Новиот дом на младите Бекамови, имот вреден 10,5 милиони фунти во Холивуд, има пет спални соби и шест бањи, најсовремено приватно кино, теретана и базен. Сепак, потегот кажува многу повеќе и особено може да влијае на веќе затегнатиот однос со родителите на Бруклин.
„Сопругата на Бруклин е Американка, како и нејзиното семејство, кое тој го обожава, и сега се чувствува како неговиот живот да е во САД. Како инфлуенсер, тој може да работи од каде сака, но верува дека Лос Анџелес му нуди повеќе можности. Ова ќе биде тешко за неговите родители. Тие отсекогаш живееле под кирија, па затоа имаше надеж дека нема да се преселат трајно. Купувањето куќа сега го уништува последниот зрак надеж“, рекол изворот.
Новите детали доаѓаат откако Бруклин не се огласи јавно за Денот на татковците. Од друга страна, неговиот татко сподели објава на Инстаграм во која рече дека, без разлика на сè, тој секогаш ќе биде тука за своите деца. Поранешниот фудбалер го одбележа и Денот на татковците со инстаграм-приказни, каде што објави стари фотографии од сите свои деца, вклучувајќи го и Бруклин, и ги означи сите поединечно.
Бруклин, покрај сето ова, се чини дека изоставил јавна честитка до својот татко по повод добивањето витешка титула за неговиот придонес во спортот и хуманитарната работа, како дел од почестите за роденденот на кралот Чарлс. Извори блиски до Бруклин неодамна изјавија дека тој е исклучително среќен што неговиот татко ќе биде прогласен за витез бидејќи знае колку е важно тоа. Сепак, тој за веста дознал преку медиумите, а не од своето семејство.
