Наследникот на покојниот пејач Лијам Пејн, неговиот 8-годишен син Бер, можеби нема да ги наследи неговите пари наскоро – поради можноста неговата поранешна партнерка, Шерил Кол, да го блокира, пишува „Дејли мејл“.

Поранешниот член на „Уан дајрекшн“ остави зад себе имот проценет на околу 24 милиони фунти. А, поради недостаток на тестамент, управувањето со неговиот имот го презедоа неговата поранешна партнерка Шерил и музичкиот адвокат Ричард Марк Бреј.

Според британските закони за наследување, целиот имот на Лијам оди во доверителен фонд за неговиот син Бер, а Шерил беше назначена за една од доверителите на тој фонд.

Извори за медиумите велат дека Шерил верува дека Бер прво треба да созрее пред да му даде толку многу пари. Вели дека треба да има најмалку 25 години. И можеби подоцна.

Шерил, наводно сака Бер да не добие сè одеднаш. Таа дури размислува парите да му бидат исплатени постепено во текот на неговите доцни дваесетти и триесетти години, за да го мотивираат сам да постигне нешто во животот, наместо да се потпира само на славата и милионите на неговиот татко.

Извор близок до пејачката изјави: „Шерил само сака да го заштити Бер. Таа знае дека ќе има луѓе кои ќе се обидат да му се приближат само поради пари. Таа сака тој да порасне нормално и да ја научи вредноста на напорната работа.“

Иако Шерил и Лиам се разделија како двојка, тие останаа во добри односи заради нивниот син. Лиам во едно интервју изјавил: „Бер е целиот наш свет. Иако сме разделени, сè уште имаме многу љубов еден кон друг.“