Возачот на „Репсол Хонда“ и актуелен светски шампион, Марк Маркез ја забележа и седмата победа на 13 трка оваа сезона за Големата награда на Сан Марино.

Зад Маркез низ целта помина младиот Фабио Квартараро, додека трет беше Маверик Вињалес кој ја имаше пол позицијата.

После самиот старт „во далечина“ се одвоија Квартараро и Маркез и скоро цела трка зад младиот Французин беше повеќекратниот светски шампион.

Но, во последниот круг после еден силен напад на Маркез, ја загуби лидерската позиција и воедно победата на патеката во Мизано.

Со седмиот триумф Маркез направи уште еден голем чекор кон освојување на титулата, сега има 275 бодови, 93 повеќе од Довициозо. Мото ГП шампионатот ќе продолжи наредниот викенд со трката за ГН Шпанија во Арагон.