Српскиот фудбалер од редовите на Бохум, Ерхан Масовиќ колабирал на тренингот на германскиот тим по дуел со негов соиграч, потврди клубот преку социјалните мрежи.

Масовиќ по дуелот и ударот кој го добил во градите почувствувал болки по што веднаш бил хоспитализиран и поради тоа го пропуштил натпреварот кој овој тим го одигра против Викторија Плзен во текот на вчерашниот ден.

Од клубот информираа дека ситуацијата сега е под контрола и неговата здравствена состојба е стабилна.

„Благодарение на брзата интервенција на медицинскиот тим, избегнати се потешки последици. Со помал хируршки зафат и поставување на триканален дрен, белите дробови повторно функционираат нормално. Дијагнозата не шокираше, но сега најважно е здравјето на Ерхан. Добива најдобра медицинска грижа и се надеваме дека наскоро ќе ја напушти болницата“, соопштија Бохум.

Масовиќ досега има пет настапи за српската репрезентација, последниот запишан во март минатата година. Ќе потсетиме, член на Бохум е и македонскиот дефанзивец Агон Елези.

Erhan #Masovic wird uns in nächster Zeit fehlen. Der Innenverteidiger hat einen Lungenkollaps erlitten. Erhan liegt aktuell im Krankenhaus in Bad Aibling und wird dort einige Tage verbringen müssen.

Wir wünschen alles Gute und eine möglichst schnelle Genesung!🙏 #VfLinScheffau pic.twitter.com/hEgwL5FaF7

— VfL Bochum 1848 (@VfLBochum1848eV) July 12, 2025