Српскиот стратег Драган Николиќ неславно ја завршува својата епизода во МЗТ Скопје, откако не успеа да се избори за опстанок во АБА1 лигата, а сега и не се прослави со глупоста против Кожув, кога собори противнички кошаркар.

Поради тој непромислен потег, Николиќ доби суспензија од десет натпревари, како и парична казна од 48.000 денари. Со оваа казна за него сезоната завршува, но освен тоа, тој добил и отказ.

Се најавуваше дека летово може да има промени на клупата на аеродромци, а суспензијата го забрзала овој процес.

Наследник на Николиќ ќе биде младиот Васко Атанасов, кој го водеше тимот во победата против Сплит на гостински терен сезонава во АБА. Атанасов прво ќе биде назначен за привремен тренер, но доколку ја освои шампионската титула во плеј-офот, ќе остане на чело на клубот и наредната сеозна.