Летниот преоден рок во Германија заврши вчера во 18.00 часот, додека во Италија беше завршен во 20.00 часот, па така сега е познато кој успеа да ги ангажира најскапите засилувања во тамошните лиги.

Баерн инвестираше 43 милиони евра за трансферот на Дајо Упамекано од Лајпциг, и тоа е најскапиот трансфер во Бундеслигата во овој преоден рок.

На второ место е доаѓањето на Дониел Мален од ПСВ Ајндховен во Борусија Дортмунд за 30 милиони евра. Холанѓанецот пристигна како замена за Џејдон Санчо, кој за 85 милиони евра замина во Манчестер јунајтед.

Топ 5 најскапи трансфери во Бундеслигата
- Дајо Упамекано во Баерн Минхен, 43 милиони евра
- Дониел Мален во Борусија Дортмунд, 30 милиони евра
- Андре Силва во Лајпциг, 23 милиони евра
- Одилон Косуну во Баер Леверкузен, 23 милиони евра
- Јошко Гвардиол во Лајпциг, 19 милиони евра

Во Италија, на првото место во Серија се наоѓа Тами Абрахам, кој за 40 милиони евра го облече дресот на Рома доаѓајќи од Челси. На осумгодишна возраст започна да тренира во Челси, но можност како прв напаѓач доби дури во сезоната 2019/2020, кога Френк Лампард седна на клупата.

Нема криза за премиерлигашите, потрошија повеќе од милијарда фунти за засилувања

Во сезоната 2019/2020 реализираше 18 голови во 47 настапи, а минатата сезона не добиваше многу шанси откако клубот го доведе Тимо Вернер.

На втората позиција се наоѓа поранешниот соиграч на Абрахам, Фикајо Томори, кој од истиот клуб дојде во Милан за 29,2 милиони евра.

Топ 5 најскапи трансфери во Серија А
- Тами Абрахам во Рома, 40 милиони евра
- Фикајо Томори во Милан, 29 милиони евра
- Николас Гонзалез во Фиорентина, 24 милиони евра
- Вестон МекКени во Јувентус, 21 милион евра
- Хуан Мусо во Аталанта, 20 милиони евра