Словенечкиот кошаркар Лука Дончиќ е блиску до потпишување нов, рекорден договор со Лос Анџелес лејкерс, кој според американските медиуми ќе изнесува огромни 229 милиони долари за период од четири години.

Откако пристигна од Далас маверикс, Дончиќ бргу се наметна како еден од клучните играчи во тимот. Со своите настапи, веднаш ја освои довербата на управата и навивачите, а сега се изгледа дека клубот е подготвен да го награди со нов договор.

Иако Лејкерс имаа солидна регуларна сезона, нивниот плејоф пат заврши разочарувачки и беа елиминирани во првото коло од Минесота тимбервулвс со 4-1 во серијата. Но, Дончиќ и покрај тоа имаше одлични индивидуални настапи со кои оствари просек од 30,2 поени, 7 скока и 5,8 асистенции по натпревар, играјќи дури 41,6 минути по натпревар.

Новата понуда би го задржала  во Лос Анџелес до 2029 година, што јасно покажува дека клубот сериозно го гледа како столб на својата иднина.