Норвешката принцеза Марта Луиз и нејзиниот нов сопруг Дурек Верет кој е самопрогласен шаман, сè уште не ги платиле трошоците за нивната раскошна венчавка, одржана во август во крајбрежниот норвешки град Гејрангер. Долговите им се над 85 илјади евра, а не се знае кога ќе ги подмират, пишуваат норвешките медиуми.

Самата церемонија траеше дури четири дена, сè беше документирано од магазинот „Хелоу“ а очигледно сè ќе имаме можност да гледаме на малите екрани, бидејќи прославата ја сними екипата на „Нетфликс“.

Среќните младенци им послужија на гостите сопствен џин, а меѓу 300-те избрани гости беа и трите ќерки на Марта од првиот брак, како и членовите на шведското кралско семејство – принцезата Викторија и принцот Даниел и принцот Карл Филип и принцезата Софија.

Секако, таму биле и родителите на Марта, кралот и кралицата на Норвешка, како и нејзиниот брат, идниот крал, принцот Хакон со неговата сопруга принцезата Мете-Марит.

Три месеци подоцна, нивната љубовна идила сè уште трае, а многу добавувачи сè уште чекаат принцезата и шаманот да ги подмират сметките што ги „направиле“.

Според норвешките медиуми, неколку локални компании се фрустрирани од се уште неплатените сметки и тврдат дека двојката должи повеќе од 85 илјади евра, поради што некои веќе започнале официјални барања за наплата.

Иако медиумите ги контактираа за коментар, Марта и шаманот сè уште не се изјасниле ниту кажале кога имаат намера да ги подмират неплатените сметки.

Норвешката принцеза се омажи за самопрогласениот шаман: На свадбата имало 350 гости