Министерот за надворешни работи на БиХ, Елмедин Конаковиќ, испрати протестна нота до Србија поради однесувањето на српскиот министер за одбрана Братислав Гашиќ, кој на настан во Бања Лука, на кој му беше гостин на претседателот на Република Српска, седеше додека се интонираше химната на БиХ.

За потсетување, денес во касарната „Козара“ во Бања Лука се одржа прослава по повод Денот на Армијата на РС и Третиот пешадиски полк, една од трите компоненти на вооружените сили на БиХ.

На почетокот на церемонијата, војниците ѝ предадоа извештај на претседателката на Претседателството на БиХ, Жељка Цвијановиќ, а потоа следеше изведбата на националната химна на БиХ. Во тој момент, лидерот на босанските Срби Милорад Додик и српскиот министер за одбрана Братислав Гашиќ, седнаа, пишува Klix.ba.

„За време на интонирањето на химната на БиХ, додека присутните учесници стоеја во знак на почит, министерот Гашиќ e седнат, што претставува грубо непочитување на државните симболи на БиХ и е некомпатибилно со однесувањето што се очекува од висок државен функционер на странска земја, особено во контекст на нашите билатерални и меѓудржавни односи и регионалната стабилност“, се наведува во протестната нота.

Министерството за надворешни работи на БиХ нагласи дека ваквото однесување не е во согласност со принципите на добрососедски односи, меѓусебно почитување и меѓународна дипломатска пракса и го смета за навредливо за институциите и граѓаните на БиХ. Конаковиќ побара официјално објаснување за овој инцидент од Министерството за надворешни работи на Србија.