Општина Гази Баба денеска ги додели признанијата за најубаво новогодишно украсени дворови и институции на нејзина територија, откако Комисијата изврши избор помеѓу оние кои конкурираа на јавниот повик објавен минатиот месец.

Искрено и од срце се заблагодарувам на секој жител на општина Гази Баба кој даде свој придонес со украсување на дворовите и балконите се со цел заедно да ја создаваме новогодишната магија насекаде низ општината- истакна градоначалникот Бобан Стефковски кој посочи дека наградите и признанијата се доделуваат со цел да се мотивираат и останатите граѓани да се натпреваруваат следната година.

Поделени се четири награди и признанија на четири семејства од Гази Баба, од кои првата награда ја освои семејството на Андријана Јовановиќ, додека од институциите наградени се одновното училиште „Крум Тошев“ и градинката „Детска радост“.