Агенцијата за медиуми води неколку постапки за 1ТВ, а некоја од тие може да резултира и со одземање на лиценцата за работа на медиумите, вели директорот на АВМУ Зоран Трајчевски. За некои од постапките Агенцијата е во соработка со полицијата, но повеќе детали засега не се откриваат.

Помош од полиција бараат и проади тоа што не може да изврши достава на никаква документација до 1ТВ бидејќи просторот таму е затворен со катанци, а се емитува некаква програма што не е во согласност со дозволата.

Трајчевски објаснува и дека до нив не е стигнато барање за добивање согласнот за промена на сопственоста на телевизијата.

-Тоа е законски услов, без оваа согласнот не може новиот сопственик да биде запишан во Централен регистар – објаснува Трајчевски.

Редакцијата на „Слободен печат“ го контактираше Богдан Дамјановски, за кој денеска се појавија информации дека е нов сосптеник на телевизијата. Тој е категоричен дека не е сопственик на телевизијата, туку, само ги прибирал податоците за телевизијата за заинтересиран странец.

Дамјановски вели дека хрватски државјанин, кој исто како него е пензионер е заинтересиран да ја купи телевизијата и да инвестира во неа, а тој само прибирал податоци во улога на финансиски консултат. Хрватот, како што вели Дамјановски за „Слободен печат“ наредната недела ќе дојде во земјава.

На Управата за јавни приходи, Дамјановски и се претставил како сопственик кој сака да ги исплати долговите на телевизијата кон државата во вредност од 400 илјади евра.

Телевизијата „1ТВ“ престана да емитува програма на почетокот од септември, но сега повторно емитува програма. За да се одземе лиценцата на „1ТВ“ по основ неемитување на програма, треба да има прекин од 30 дена во континуитет, а целосен прекин имаше само 14 дена.