Рахим Стерлинг го напушти кампот на репрезентацијата поради грабеж во неговиот дом. По веста за грабежот Стерлинг се врати за да биде заедно со наблиските во тие моменти, но сега се враќа и ќе биде на располагање на Герет Саутгејт.

Неколку дена по инцидентот Стерлинг се враќа во Катар за да и помогне на репрезентацијата до крајот на турнирот од кој Англичаните имаат големи очекувања.

Според информациите од Островот тој ангажирал дополнително обезбедување и не сакал да си замине додека не биде сигурен дека семејството му е во сигурни раце.

Англија ја очекува четвртфинале против Франција во сабота, а Саутгејт дополнително ќе одлучи дали Стерлинг ќе биде спремен да помогне и да истрча на теренот. Претходно кампот на репрезентација го напушти и дефанзивецот Бен Вајт, за него не беа откриени причините за заминувањето, но тој не се врати да го продолжи Мундијалот.