Директорот на ЦИА, Вилијам Бернс имал таен состанок со лидерот на талибанците Абдул Гани Барадар во Кабул, пренесува Вашингтон Пост.

Повикувајќи се на америкаснки службеници, весникот тврди дека состанокот вчера бил одржан во главниот авганистански град.

ЦИА одби да коментира за состанокот со талибанците, а во текстот се наведува дека темата на разговор најверојатно бил рокот за завршување на операцијата со евакуирање од Кабул, која беше договорена дека ќе заврши на 31-ви август.

Администрацијата на претседателот Џо Бајден е под притисок да ги заджи американските сили во Авганистан и по завршувањето на договорениот датум за да може да се евакуираат повеќе луѓе.

Останатите сојузници на САД соопштија дека е потребно повеќе време за евакуиација на нивните граѓани, но талибанскиот потпарол ги предупреди дека преминувањето на договорениот рок е црвена линија и дека ќе има последици доколку американците останат и по 31-ви август.

Бајден под притисок, САД бара повеќе време за евакуација од Авганистан