После поразот од Хрватска во Ријека, најдобрите македонски фудбалери во Храдец Кралове ќе имаат нов пријателски натпревар против селекцијата на Чешка која исто така е еден од учесниците на претстојното Европско првенство (14 јуни – 14 јули) во Германија.

Чесите, кои во петокот со 7:1 во контролен меч славеа над Малта, се очекува да бидат нов добар тест за избраниците на селекторот Благоја Милевски.

Пријателскиот натпревар Чешка – Македонија е закажан за 10 јуни со почеток од 18.00 часот..

– Како што кажа селекторот, мора да се поправи тактичката дисциплина, мора да се игра одговорно особено кога се игра против такви силни репрезентации на такво ниво. Знаеме каква репрезентација е Чешка, добро ја анализиравме, тоа е нивни последен контролен натпревар пред Европското првенство.

Чесите сигурно ќе влезат максимално против нас како да се на ЕП, но исто така и за нас тоа е последен контролен натпревар пред Лигата на нации и ние имаме свои цели. Секако ќе одиграме максимално и се надевам дека ќе стигнеме до позитивен резултат. Покажавме дека знаеме да се носиме со силни репрезентации, особено против Англија и Италија. Секако дека можеме и против Чешка, иако е доста силна репрезентација, физички тркачки спремна, но и ние имаме свои цели и свои страни, се надевам дека ќе ги искористиме за да дојдеме до поволен резултат – вели македонскиот репрезентативец Бојан Димоски.

Македонија и Чешка до сега три пати се сретнале, имаме едно реми во пријателски меч (1:1), а два пати загубивме во квалификациите за СП 2006 со резултат 2:0 и 6:1.

Зајков пред Чешка: Да влеземе со повеќе самодоверба и се обидеме да дојдеме до поволен резултат