На новинарско прашање за тоа дека Генералштабот на грчката армија одбива да потпише договор поради кратенката мкд, Димитров смета дека преку разговор ќе се решаваат сите проблеми меѓу двете земји и ќе се гради пријателство постигнато со Договорот од Преспа.

-Ние сме целосно посветени на сите наши правни обврски од Преспанскиот договор, за кратенките, односно кодот е или мк или мкд, во однос на регистарските таблички, ќе треба да се разговара. Се популаризираше вчера и завчера во некои грчки медиуми. Преспанскиот договор е деликатно постигнат баланс и сите елементи што се добри за другата страна, се важни за балансот да се задржи. Јас сум убеден дека низ разговор ќе има примена на сите одредби од договорот, кој е склучен и правно обврзувачки, рече Димитров.