Денеска во четвртото коло од најсилната шпанска кошаркарска лига Валенсија стигна до вториот триумф сезонава на гостувањето кај Баскет Сарагоса со резултат 70:76.

Во победата придонес македонскиот плејмејкер Ненад Димитријевиќ кој беше втор стрелец со 16 поени, 4/8 од поле, 8/8 од слободните фрлања (пет асистенции), за 23 минути и 40 секунди поминати на паркетот.

Поефикасен од него беше само Бојан Дубљевиќ со 19 поени и седум скока. На спротивната страна 13 поени имаше Мет Мобли, еден помалку Стен Окоје (седум скокови).

Во генералниот пласман Валенсија е на четвртото место со четири бодови, два помалку зад водечките Реал Мадрид и Барселона.

Во следното коло Димитријевиќ и Валенсија на 10 октомври ќе го пречекаат Реал.