Во шестиот натпревар Зенит Петербург израмни на 3:3 во полуфиналето од плеј-офот во руската ВТБ лига против Уникс Казан откако триумфираше со 82:80.

Во победничките редови Хоумсли реализираше 16 поени, а на спротивната страна во дресот на Уникс Казан повторно блескаше Ненад Димитријевиќ.

Македонскиот репрезентативец беше прв стрелец со 23 поени, запиша и шест скока и четири асистенции.

Седмиот решавачки меч ќе се игра на 2 мај кога Уникс Казан ќе биде домаќин.

Победникот од оваа пресметка во големото финале ќе игра против подобриот од дуелот (3:3) меѓу Локомотив Кубан и ЦСКА Москва на нашиот тренер Емил Рајковиќ. „Мајсторката“ меѓу овие две екипи е закажана за 1 мај кога домаќин е составот на Рајковиќ.