Кошаркарите на Уникс Казан загубија во третиот натпревар од полуфиналето од ВТБ лигата и сега Локомотив Кубан води со 2:1 во серијата.

Денеска играчите на Локомотив Кубан во Краснодар триумфираа со конечен резултат 89:81 (24:22, 20:25, 23:15, 22:21).

Македонскиот репрезентативец Ненад Димитријевиќ за Уникс Казан беше втор стрелец со 19 поени (осум асистенции) за 38:19 мин. на паркетот.

Поефикасен од нашиот плејмејкер во тимот на Уникс Казан беше само Џејлен Рејнолдс со 24 поени (шест скокови). На спротивната страна Окаро Вајт доминираше со 20 поени.

Следниот четврти меч е закажан за 13 мај кога повторно домаќин ќе биде Локомотив Кубан, а евентуалната „мајсторка“ ќе се игра на 16 мај.