Тимот на Уникс Казан славеше победа во првиот натпревар од полуфиналната серија против Локомотив Кубан (78-75), а македонскиот кошаркар Ненад Димитријевиќ беше втор стрелец на натпреварот.

Полуфиналната серија помеѓу Уникс и Локомотив е реприза на минатогодишното финале во ВТБ лигата. Уникс беше подобар во текот на целиот меч и често пати водеше со двоцифрена разлика, сепак на крајот тесно победи.

Во клучните моменти Димитријевиќ беше еден од подобрите на теренот и одново играше на високо ниво.

За три поени шутираше 3 од 10 за два поени и 1/9 за три поени. Натпреварот го заврши 16 поени, повеќе од него постигна само Грин (19). Покрај поените македонскиот кошаркар додаде два скока, шест асистенции и три украдени топки.

Во вториот меч кој се игра на 8. мај Уникс повторно ќе биде домаќин. Пласман во финалето обезбедува тимот кој прв ќе стигне до четири победи.