максим димитриевски
Максим Димитриевски / Фото: МИА

Димитриевски откри дали неговото движење ги обединува „бранковистите“ од СДСМ

Кумановскиот градоначалник Максим Димитриевски, кој изминативе месеци собира истомисленици во движењето „За наше Куманово“, во гостување на „Телма“ зборуваше за идните политички планови и рече дека зад движењето стојат „разочараните и граѓаните“.

Димитриевски, кој лани беше исклучен од СДСМ откако, спротивно на партиската директива, реши повторно да се кандидира за градски татко, на директното прашање дали зад „За наше Куманово“ стојат т.н. „бранковисти“ од СДСМ, рече:

„Да, и тие и многу разочарани од сите партии“.

Тој рече дека „Македонија има потреба од промена и тоа ќе се случи на следните парламентарни избори“.

„Нема да коалицираме предизборно со никого, ќе настапиме во коалиција со граѓаните и заедно со граѓаните ќе победиме на следните парламентарни избори. Ние ќе влеземе во Влада со тој политички субјект којшто ќе ја прифати нашата програмска определба и ќе имаат легитимитет од граѓаните. ДУИ ќе мора да претрпи како партија реформи, бидејќи дефакто тоа е партија која функционира и се базира на чист клиентелизам и е моноетничка која ќе мора да работи на многу сериозни реформи доколку сака да гради мултиетничко општество“, рече Димитриевски.

Тој вели дека на последните локални избори добил поддршка од сите граѓани, не ги делел по ниту еден основ и оти „продолжува со уште поголем интензитет со неговиот тим, целосно да се стави во функција на граѓаните и на градот Куманово, за тоа да стане поубаво место за живеење“.

Димитриевски рече дека има поддршка, не само од поранешни членови на СДСМ, туку поддршка и од поранешни членови на ВМРО-ДПМНЕ и многу голем број на неопределени граѓани и сите се добредојдени.

„Во една прилика изјавив дека тој концепт ќе го базираме на база на волјата на граѓаните и верувам дека сите ќе ни се приклучат коишто се добронамерни. Шанса ќе добијат луѓе кои досега не биле експонирани во политиката или пак не влечат опашки зад нив“, истакна Димитриевски.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот