Девојка тврди дека е исчезнатата Медлин МекКен, семејството прифати ДНК анализа
На социјалните мрежи во последните денови 22-годишната Џулија Ведел од Полска се здоби со голема популарност преку нејзиниот профил „Јас сум Медлин МекКен“, тврдејќи дека е малото девојче кое исчезнало во 2007 година. Како што пишува девојката од Полска, таа најпрво се посомневала дали е исчезнатата Медлин „пред неколку месеци“ откако слушнала „нешто“ од нејзината баба. Таа отворила профил на Инстаграм наречен „@iammadeleinemcann“ каде што објавува видеа со детали за нејзините наводи. Меѓу нив е и тврдењето дека има белег над окото и пеги на ногата на истите места како и Медлин.
Препорачано
Според нејзината последна објава, Кејт и Џери МекКен ја контактирале и прифатиле ДНК тест за да ги потврдат нејзините тврдења.
@iammadeleinemccannc Thank You!?❤️ #madeleinemccann #iammadeleinemccann #fyp #featureme #goviral ♬ original sound – ?????????
22-годишната девојка верува дека нејзината возраст можеби е погрешна бидејќи Медлин е родена во мај 2003 година, што значи дека сега би имала 19 години. Германските инспектори кои го истражуваат нејзиното исчезнување за време на семејниот одмор во Португалија во 2007 година, веруваат дека таа била убиена од осудениот сексуален престапник Кристијан Брикнер. Постојат опсежни пребарувања од денот кога исчезнала, но нејзиното тело никогаш не било пронајдено.
„Дејли Мирор“ пишува дека во последниве месеци, луѓето ги користеле социјалните мрежи како дел од трендот да ја покажат својата сличност со Медлин. Меѓу нив е и Вендел, која своите фотографии ги споредила со оние на исчезнатото девојче како „доказ“ дека се работи за истата личност.
Извор близок до МекКен изјави за „Дејли Стар“ дека семејството е подготвено да го разгледа секој доказ за да ја открие вистината. Како што изјавија, „Нашето семејство е подготвено да ги разгледа сите докази. Важно е да се земат предвид сите фактори, девојката навистина личи на неа. Нема сомнеж за тоа. Ако она што таа го кажува е вистина, има големи шанси таа да е таа. Сè одговара“.
