Девојче од Пенсилванија починало откако со месеци била мачено од нејзиниот татко и маќеа, пишува Дејли Мејл.

Малинда Хогланд (12) била пронајдена „едвај жива“ од полицијата на 4 мај, откако нејзиниот татко Рендал Хогланд се јавил на 911. Тврдел дека девојчето со велосипед удрило во дрво. Малинда, која тежела само 22 килограми, починала неколку часа по пристигнувањето во болница. Персоналот бил шокиран од нејзината физичка состојба. Имала модринки, скршеници и оштетен црн дроб. Хогланд (52) и неговата свршеница Синди Ворен (45) се обвинети за нејзината смрт два дена подоцна.

Дејли Мејл ги прегледа објавите на парот на социјалните мрежи. Тие забележале дека таткото престанал да објавува фотографии од неа на почетокот на јануари, но продолжиле да објавува фотографии од синот Гевин, за кој полицијата вели дека не бил малтретиран. Девојчето, пак, на последните фотографии кои ги објави нејзиниот татко изгледало слабо, а нејзината рака изгледала покриена со модринки.

Маќеата на девојчето во 2009 година се изјаснила за виновна затоа што не го спречила нејзиниот поранешен сопруг да го претепа неговиот тригодишен син. Тој е осуден на затворска казна за злоупотреба на момче, но и за убиство на двегодишната ќерка од претходната врска.

Полицијата соопшти дека Малинда престанала да оди на училиште во декември и често била врзана за мебелот во подрумот. Се појавувала, рекле, на онлајн предавања, но била врзана за да не се гледа на камерата.

На видеата, кои парот ги избриша, наводно се гледа степенот на малтретирање на девојчето. На некои од нив Малинда била принудена да спие на под, без перница или ќебе. И кажале дека не треба да очекува појадок, ручек или вечера. Тие, исто така, наводно ги избришале пораките пред да се јават во итната помош. Меѓутоа, полицијата успеала да ги врати пораките во кои разговарале за нејзината влошена здравствена состојба.

И двајцата се обвинети за обид за убиство, напад и киднапирање, а истражителите велат дека се можни дополнителни обвиненија, вклучително и убиство.