Во српскиот град Инѓија, полицијата денеска уапсила тројца луѓе – Ф.В. (47), К.В. (42) и германскиот државјанин М.Р. (19), под сомнение дека сториле тешки дела против јавната безбедност, откако „на диво“ поставиле импровизиран рингишпил на паркинг на паркинг во градот, каде се случи сериозен инцидент.

Како што ги пренесува „Телеграф“ информациите од полицијата, вчера седиштето на 13-годишно девојче излетало и девојчето паднало од голема височина, при што е сериозно повредено и веднаш пренесено во Клиничкиот центар во Нови Сад.

По налог на Основното јавно обвинителство, тројцата осомничени се задржани во притвор до 48 часа, по што ќе бидат изведени пред обвинител за понатамошна постапка.

Ваквите случаи се забележуваат релативно често во Србија и на Балканот, каде слабата контрола на законските прописи за безбедноста и корупцијата овозможуваат да функционираат цели забавни паркови „на диво“.

Обвинителството веќе нареди детална истрага, вклучително и собирање на сите релевантни материјални докази, фотографска документација, изјави од очевидци и список на можни оштетени. Целта е утврдување на точната одговорност на осомничените и правна разрешница за случајот, велат од српската полицијата.