Коста К. кој пред два дена во ОУ „Владислав Рибникар“ уби осуммина негови врсници и училишниот чувар Драган Влаховиќ и рани седум лица, детално го испланирал страшното убиство, но и како да го избегне затворот, покажа вештачењето на неговиот телефон, дознава српскиот медиум „Блиц“

Масовното убиство го планирал еден месец, а тоа што е откриено при преглед на неговиот телефон покажува дека тој свесно го извршил масовното убиство и оти непосредно пред да го стори тоа, тој го пребарал Кривичниот законик на Србија на Интернет, за да истражи дали децата можат да бидат кривично одговорни.

Заклучено е дека нападот во училиштето го организирал сега затоа што знаел дека до 14-тиот роденден му преостануваат уште нешто повеќе од 2 месеци и дека му останало многу време да биде кривично неодговорен доколку сторил кривично дело, вели изворот на „Блиц“.

Исто така, како што е утврдено, Костагледал американски блокбастер за масакр во училиште во Америка ноќта пред масовното убиство. Неколку часа подоцна извршил страшно злосторство.

Како што изјави Веселин Милиќ, шеф на управата на Град Белград по трагедијата, тој рече дека ова е огромна човечка трагедија. Тој нагласи дека целото злосторство се подготвувало еден месец.

К.К ова го планирал долго време, не го откри мотивот. Го зел огненото оружје од станот на татко му и го донел со четири молотови коктели, рече тој.

Милиќ на конференцијата го покажа и списокот што го нашле во станот на момчето убиец. На него биле испишани имињата на учениците кои планирал да ги убие. Покрај тоа, тој имал прецизен план на училиштето, со означен влез и излез.

Сè што досега е утврдено во истрагата за невидената трагедија покажува дека Коста Кецмановиќ намерно и планирал да ги убие своите врсници и училишниот чувар.

Тој не бил под дејство на алкохол или психоактивни супстанци, а уште позастрашувачки е што за време на полицискиот распит, освен што не се кае за стореното дело, се однесувал дрско додека зборувал за жртвите.