Дензел Вашингтон се мачи со својот говор откако се здоби со страшна повреда.

За време на саботното појавување на подкастот „Интервју“ на „Њујорк тајмс“, 70-годишниот актер откри дека се опоравува откако силно си го гризнал јазикот, пренесува „Фокс њуз“.

– Пред неколку месеци речиси си го одгризав јазикот на половина. Тоа го отежнува мојот говор и поради тоа морам да успорам – рече актерот.

Вашингтон објасни дека неговото здравствена ситауција довела до компликации и неговиот отечен јазик му отежнувал да седодека се подготвувал за главната улога во претстојната претстава на Бродвеј на иконската драма на Вилијам Шекспир „Отело“, во која глуми и Џејк Гиленхал.

Актерот не соопшти детали за тоа како го повредил јазикот и каква лекарска помош добил.

Сепак, ѕвездата од „Гладијатор 2“ рече дека се потпира на вербата за да ги надмине предизвиците по повредата.

– Затоа молете се секој ден – додаде тој.