Денес на програмата на Мундијалот во Катар е последениот ден и фудбалските фанови со нетрпение го исчекуваат големото финале во кое од 16:00 часот ќе се сретнат Франција и Аргентина.

Една од овие две селекции денес ќе ја освои својата трета светска титула, досега и двете имаат по две. Аргентина своите две титули ги освои во 1978 и 1986 година, додека Франција се радуваше во 1998 и пред четири години во Русија. Ќе видиме каде вечерва ќе се слави, во Буенос Аирес или Париз…

Финалето се игра на стадионот „Лусаил“, а во него сигурно дека и посебно внимание привлекува дуелот Меси – Мбапе. Двајцата соиграчи се во битка и за најдобар стрелец на турнирот, а многу веројатно дека кој од нив ќе помогне на својата репрезентација да дојде до трофејот ќе ја понесе и наградата МВП на турнирот.

Меси има посебен мотив за него денешниот натпревар ќе биде последен во репрезентативниот дрес и последна шанса да дојде до трофејот кој му недостасува во блескавата кариера. Мбапе од друга страна има шанса пред да наполни 24 години да го освои своето второ Светско првенство. Такво нешто му успеало претходно само на Пеле во 1952 година.