В недела, на 12 ноември,  ЈП „Улици и патишта“ ќе врши монтажа на нови портални и конзолни семафорски столбови, како и нова семафорска инсталација на крстосницата на улица Ѓорче Петров со улица Знеполе.

Поради изведба на активностите за монтажа во периодот од 8 до 11 часот, сообраќајот ќе биде комплетно затворен на потегот од крстосницата на улица Ѓорче Петров со улица Македонски војски до крстосницата на улица Ѓорче Петров со улица Никола Пускаров, кај семафорите кај старата општина Ѓорче Петров. Пренасочувањето на сообраќајот ќе биде на улицата Борис Сарафов и на овие локации како и на сите останати внатрешни приоди ќе биде поставена соодветна сигнализација – информираат од претпријатието.

Оттаму апелираат до граѓаните за трпеливост во сообраќајот до завршување на активностите за монтажа на новите семафори.