На Тотенхем можеби не му оди најдобро во последно време, но Дејан Кулушевски не застанува и се наоѓа во одлична натпреварувачка форма.

„Опта“, британска компанија за спортска аналитика, објави дека меѓу сите фудбалери кои одиграа минимум 1.000 минути во Премиер лигата во 2024 година, Кулушевски најголемото растојание поминало во просек за 90 минути – точно (12,4 километри).

Кулушевски е шведски фудбалер со македонско потекло. Има 24 години и договор со Тотенхем до јуни 2028. Во клубот од северен Лондон дојде пред точно три години, во јануари 2022 година од Јувентус.

Претходно кратко настапуваше за Аталанта и на позајмица во Парма.

Родителите на Дејан се од Охрид, додека тој е роден во Стокхолм. На почетокот на кариерата настапуваше за јуниорските селекции на Македонија, но подоцна го смени дресот и денес е репрезентативец на Шведска. За оваа земја одигра 45 натпревари и постигна пет гола.

Официјално беше најдобар фудбалер во Шведска за 2022 и 2023 година.