ФОТО | Дебитантот Александар Тодоровски е победник на „Макфест 2021“
Александар Тодоровски со песната „Под исто небо“ е победник на годинашното 36. издание на „Макфест“.
Препорачано
Дебитантот успеа да триумфира на штипскиот фестивал во конкуренција на повеќе познати имиња.
– Не ми се верува. Им благодарам на сите. Со огромна почит кон фестивалот, соништата се остваруваат – порача победникот.
„Под исто небо“ беше песната која освои најмногу гласови и од публиката и од стручното жиро. Музиката и текстот се на Ристо Самарџиев, а аранжманот е на Давор Јордановски. Тодоровски во финалната вечер влезе по дебитантскиот настап на првата полуфинална вечер, кога освои најголем број на гласови од публиката.
Втората награда отиде во рацете на Мартинијан Кириловски кој настапи со ,,Вистина“, а третата награда ја освои младата штипјанка Марија Данева.
View this post on Instagram
View this post on Instagram
За најдобар дебитант беше прогласена Калина Велковска која настапи со ,,4“.
На финалната вечер на „Макфест“, меѓу другите, награда за аранжман доби Лазар Цветковски за композицијата „Денот што ми носи“, во изведба на Александра Јанева, наградата за најдобар сценски настап отиде во рацете на Марија Данева, награда за најдобра интерпретација доби Лара со композицијата „Душа“.
Првата награда изнесува 5000 евра, втората награда е 3000 евра, додека третопласираниот ќе добие награда од 1000 евра.
„Макфест“ оваа година по вторпат се одржа на отворено, во „АкваБела ресортот“, но овојпат во поразлична форма од изминатите години.
Во петокот на сцената беа изведени 12 нови песни, а од нив пет поминаа во финалната вечер на 18 септември.
„Макфест“ за првпат се одржа во ваква форма, две вечери, каде првата беше полуфинална, на која сите изведувачи првпат настапија на сцената на „Макфест“, додека на финалната вечер имаше доста познати изведувачи и повеќекратни победници во минатите години.
Водители на фестивалот беа Мирослав Кацаров и Ведрана Ѓорѓевиќ.
– 36-тото издание на „Макфест“ ќе остане во нашето сеќавање по новите 28 композиции кои ги изведоа нашите врвни уметници. Од сѐ срце им ја честитам победата на прво пласираниот Александар Тодоровски, второ пласираниот Мартинијан Кириловски и трето пласираната Марија Данева, напиша на Фејсбук градоначалникот на Штип, Сашко Николов.
