Не често размислуваме за малите деца со прекумерна тежина како ризична група, но ако дебелината ја попречува нормалната работа, доаѓа до одредено ниво на напрегање и оптеретување.

Децата од шестгодишна возраст можат да имаат различни здравствени проблеми поради дебелината. Децата со прекумерна тежина имаат поголема веројатност да развијат повеќе здравствени проблеми од нивните врсници со просечна тежина.

Една нова студија, спроведена во Данска во која биле опфатени речиси 1.000 деца, покажа дека децата со прекумерна тежина имаат повисоки нивоа на шеќер во крвта дури и пред да започнат основно училиште. Данската студија беше објавена во списанието „Science Direct“, каде што е целосно објаснета целата методологија.

Студијата била спроведена на 335 деца на возраст од две ипол до пет години. Останатите 657 деца веќе посетувале основно училиште и биле на возраст меѓу шест и осум години. Од децата на предучилишна возраст, 13,7 проценти биле класифицирани со прекумерена тежина, додека од децата на училишна возраст со прекумерена тежина биле класифицирани 13 проценти.

Истражувачите ги анализирале резултатите од тестовите на крвта и другите собрани податоци за да утврдат дали прекумерната тежина може да предизвика здравствени проблеми кај малите деца.

Кај помладите деца од предучилишна возраст, истражувачите откриле дека индикаторите за кардиометаболички ризик се многу мали. Немало значителна разлика и децата на оваа возраст имале приближно иста здравствена слика без разлика на телесната тежина. Резултатите биле различни кај постарите деца од предучилишна возраст и децата на училишна возраст, бидејќи нивните маркери за кардиометаболички ризик биле значително повисоки.

Сите овие деца една година подоцна повторно ги направиле истите тестови, а резултатите го следеле истиот тренд. Но, овој пат, процентот на деца на уличишна возраст со прекумерна тежина се зголемил од 13,6 на 17 проценти. Бројките не биле променети за децата од предучилишна возраст.

Оваа студија е важна, бидејќи дебелината уште во раното детство укажува дека овој проблем обично опстојува и кога децата ќе потпораснат.