Стандардите за убавина, како што добро знаеме, се разликуваат од култура до култура. Без разлика дали се работи за структурата на телото, украсите што ги ставаме на него, начинот на кој се грижиме за косата и кожата, идеалот за убавина е всушност конструкција на општеството и средината во која се наоѓаме, пишува „Путникофер“.

Сепак, едно село го разбира концептот на убавина сосема поинаку од остатокот од светот. Станува збор за населба на тајландскиот остров Пукет, каде владее непишаното правило: колку поголемо, толку поубаво.

Дебелината кај жените е концепт за убавина и статусен симбол, а тие немаат секојдневни обврски како чистење и заработка бидејќи основна задача им е да ја одржуваат и по можност да ја зголемат сопствената тежина.

Приказната звучи речиси неверојатно, но неколкуте достапни документарни филмови покажуваат дека животот на жените во ова село во Пукет навистина изгледа вака. Нивна работа е да се опуштат, да легнат и да внесуваат што повеќе калории за да се здебелат.

Одговорноста за заработка и извршување на домашните работи е на мажите. Тоа не им пречи, бидејќи сакаат да имаат што поголема жена. Згора на тоа, жените полесни од 90 килограми овде тешко ќе најдат партнер бидејќи мажите буквално се „натпреваруваат“ чија жена ќе биде потешка.

Секојдневниот живот на жените е прилично опуштен. Мажите ги служат, прават сè во куќата, а тие лежат без работа и јадат, одмораат, евентуално се дружат и разговараат со други жени.

Причината за овој необичен обичај лежи во историјата на селото. Тоа одамна била населено со припадници на етничкото малцинство од Малезија. Мажите традиционално се занимавале со риболов, додека жените останувале дома и малку се движеле, што довело до природна склоност кон дебелеење.

Со текот на времето, тежината на сопругата стана статусен симбол за мажите, што покажува дека семејството живее добро и дека тој е добар сопруг.

Избори за убавина се одржуваат и во селото, каде очекувано еден од главните критериуми е тежината на натпреварувачката. Најголемата жена во селото тежи дури 194 килограми.