Во срцето на Дебар Маало, центарци добија нов уметнички мурал посветен на легендарната детска емисија „Бушава азбука“. Муралот е дело на  уметниците Драган Китановски Драш и Мирослав Грчев Микс.

Една од нашите континуирани заложби е да го разубавуваме јавниот простор преку уметност, како што тоа го прават многу светски метрополи. Овој мурал нѐ потсетува на детството, на знаењето, на љубопитноста, вели градоначалникот Горан Герасимовски.

Свечената промоција на муралот ќе се одржи на 31 август, кога симболично започнува и одбележувањето на четири децении „Бушава азбука“, проект кој остави трајна вредност во македонската култура.