Многумина мислат дека изборот да спиете одвоено е знак на љубовна врска без страст и секс. Но, експертите велат дека спиењето во одвоени кревети може значително да го подобри вашиот сексуален и љубовен живот, пишува „Дејли мејл“.

Истражувањата покажале дека околу 25 отсто од сите парови во Америка, постојано спијат во посебни спални соби, а четири од десет парови во Велика Британија, спијат одвоено повеќето ноќи.

Испитаниците рекле дека одвоеното спиење ја подобрува нивната врска во целина, бидејќи се чувствувале подобро и имале поквалитетен и подолг сон. Со тоа, се потврдува дека кога сте добро одморени, подобро комуницирате, посреќни сте, поемпатични и изгледате попривлечно и позабавно.

Без разлика на овие резултати, многумина и понатака преферираат да спијат во ист кревет со својот партнер. Ним им се допаѓа блискоста и сигурноста што ја имаат додека се заедно.

Но, експертите велат дека непроспиените ноќи, се многу поопасни за вашата врска. Луѓето на кои сонот директно им е нарушен од партнерот, поради рчењето и немирното спиење, најчесто се лути и нервози со часови по будењето.

Па, доколку сакате да ги избегнете утринските расправии, да имате зголемено либидо, повеќе да се поврзете со партнерот и да се чувствувате поздраво, експертите советуваат да започнете со практикување на одвоено спиење.