Фудбалерите на Дармштад во петокот пред своите гледачи го совладаа Магдебург со 1:0 и обезбедија враќање во Бундеслигата по шест години пред крајот на второлигашкото натпреварување.

Победата за Дармштад ја донесе Филип Тиец со гол во 36 минута.

На еден натпревар пред крајот на сезоната, Дармштад има 67 бодови, шест повеќе од второпласираниот Хајденхајм и седум од третопласираниот ХСВ. Двата тима имаат натпревар помалку, но Дармштад најмалку го обезбеди второто место, што носи и директен пласман во Бундеслигата.

Третопласираната екипа ќе игра за место во Бундеслигата против клубот кој на крајот од сезоната ќе биде 16-ти во елитата на германскиот клупски фудбал.

Херта Берлин следната сезона најверојатно ќе биде во втората лига, бидејќи на две кола пред крајот е на последното место со 25 бода. Штутгарт има 29 бодови, а Шалке е на 16 позиција со 30. За опстанок се борат и Бохум (31) и Хофенхајм (32).