Само две недели по спектакуларната победа со армбар во првата рунда на “ARMMADA” 14 во Скопје, Даниела Алексовска повторно влегува во кафезот – овој пат на највисокото светско ниво: Светското ММА Првенство во Тбилиси, Грузија, од 27 септември до 2 октомври.

Алексовска ќе се натпреварува во категоријата до 52.2 кг, каде моментално е рангирана трета во светот, благодарение на златниот медал кој го освои на Европското првенство годинава.

Ова ќе биде нејзино второ учество на Светско првенство – минатата година во Узбекистан, каде успеа да се избори до бронзен медал.

Во својата група, Алексовска ќе се соочи со ривали од Украина, Казахстан, Мексико и Азербејџан.

Заедно со својот тим „The Strongest Скопје“, како и Ивица Алексовски, претседател на Македонската ММА Федерација, и Стефан Пецевски, главен тренер, кои ќе бидат заедно со неа во Грузија, Даниела е решена да го донесе златниот медал во Македонија.