Повремениот македонски репрезентативец Даниел Аврамовски по скоро две години неодамна го напушти Сараево, а денес беше промовиран како нов фудбалер на турски Бoлуспор.

Болуспор е клуб кој се натпреварува во турската Втора лига, додека за Аврамовски ова е враќање во турскиот фудбал кадеш то претходно го носеше дресот на Кајсериспор од каде што се пресели во Сараево.

Сараево Аврамовски го напушти по 45 одиграни натпревари и четири постигнати гола. Аврамовски покрај споменатите два клуба играше уште за Работнички, Македонија Ѓорче Петров, Црвена Звезда, ОФК Београд, Војводина, Олимпија и Вардар.

За репрезентацијата на Македонија собра осум настапи, а беше дел од селекцијата која настапи на Европското првенство во Букурешт и Амстердам.