Искусниот македонски репрезентативен голман Дамјан Шишковски минатото лето дојде во Борац Бања Лука и се чини дека ги оправда очекувањата и се чини дека наскоро ќе го продолжи договорот со босанскиот фудбалски клуб.

Нашиот чувар на мрежата дојде во Борац пред почетокот на сезоната откако помина полусезона во ерменскиот Арарат.

Шишковски со Борац потпиша договор на една година, а според босанските медиуми 30-годишниот голман ќе остане во клубот и следната сезона и се очекува дека ќе ја продолжи соработката.

Двете страни се договорија за продолжување на соработката и дека договорот наскоро ќе биде потпишан и само се чека официјална потврда од Бања Лука.

Во досегашниот дел од сезоната Шишковски запиша вкупно 22 настапи во сите натпреварувања.