Сувото четкање на телото е сè попопуларно бидејќи ја стимулира циркулацијата на телото и лимфниот систем и му овозможува на телото да се ослободи од вишокот вода и токсини, што поттикнува детоксикација на телото. Оваа техника со години се користи во Скандинавија и Русија, а денес е сè почеста како третман во спа центрите.

Сувото четкање (анг. dry brushing) на телото вклучува четкање на површината на кожата со мека, сува четка направена од природни влакна, која можете да ја купите во продавниците за природна козметика. Пожелно е четката за суво четкање да не содржи синтетички влакна, бидејќи тие се премногу груби и можат да предизвикаат оштетување на кожата.

За видливи резултати, неопходно е да се вклучи четкањето на сува кожа во секојдневната рутина, наутро пред туширање или навечер, пишува „Сити магазин“.

Придобивки од суво четкање на телото

Постојат неколку предности на сувото четкање на кожата на телото:

– Ексфолијација на телото: како што старееме, телото станува помалку ефикасно во отфрлање на вишокот мртви клетки; со отстранување на мртвите кожни слоеви и клетки, овозможуваме стимулација на жлездите кои произведуваат повеќе влага и на тој начин обезбедуваме помлад и посвеж изглед на кожата.

– Целулит: сувото четкање го забрзува метаболизмот и ги ослободува масните наслаги под кожата, што позитивно влијае на намалување на целулитот.

– Стимулација на лимфниот систем: движењата на масажа исто така ја стимулираат и поттикнуваат циркулацијата на крвта и функцијата на лимфата. Покрај тоа, сувото четкање го зајакнува имунолошкиот систем, го зголемува мускулниот тонус и ја подобрува текстурата на кожата, што помага да се спречи предвременото стареење.

Суво четкање на телото – постапка

Во продолжение прочитајте како изгледа процедурата за суво четкање на телото.

– Сувото четкање по можност се прави еднаш дневно. Како што и самиот назив, секогаш се четка кога кожата е сува. По четкањето неопходен е туш за да се отстранат мртвите клетки.

– Постапката на четкање треба да започне со комбинација на кружни и прави движења во правец на срцето, почнувајќи од стапалата. Не се препорачува суво четкање на лицето.

– Треба да се избегнува прекумерен притисок и триење на кожата во текот на масажата, како и четкање на оштетените делови на кожата, интимните делови или проширените вени.

– Постапката на суво четкање може да трае 10-15 минути, но времетраењето го одредувате сами.

– При туширање добро е да ја менувате температурата на водата од потопла кон постудена, за дополнително да се поттикне циркулацијата н дотокот на крвта кон надворешните слоеви на кожата.

– Кога ќе завршите, навлажнете ја кожата со путер за тело или масло.Во зависност од потребите на вашата кожа, можете да користите различни масла – кокосово или бадемово масло за хидратација или масло од лешник и бршлен за целулит.