Бројни студии покажаа дека чувањето куче како домашно милениче може да ја намали осаменоста, стресот и анксиозноста, па дури и да ни помогне да живееме подолго. Со оглед на многуте придобивки од домашните миленичиња, логично е да се запрашаме дали тие се исто толку среќни што се со нас и како воопшто да го препознаеме тоа.

Бихејвиористката Емили Левин неодамна откри за „HuffPost“ дека мавтањето на опашката не мора да значи дека кучето е среќно.

„Треба да ја погледнете поголемата слика, остатокот од телото на кучето. Не можете само да погледнете во еден дел од телото за да знаете што чувствува кучето“, рече таа.

Таа додаде дека различното мавтање може да сигнализира различни работи. Со други зборови, мафтањето со опашката, во зависност од тоа дали е брзо, бавно, вкочането или ритмичко, може да сигнализира различни емоции.

„Мафтањето со опашката може да биде брзо, лабаво, вкочането, ритмичко… Сите овие можат да бидат различни емоции“, рече таа.

Д-р Левин истакнува дека мафтањето со опашката значи дека кучето на некој начин е возбудено. За да се утврди дали тоа возбудување е позитивно или негативно, Левин советуваше да се погледне целокупниот говор на телото на кучето и контекстот во кој го набљудуваме.

„Ако луѓето сакаат сигурен знак дека кучето е среќно, нека проверат дали целата задница на кучето се движи од страна на страна. Тоа е јасен знак. Исто така, погледнете го лицето на кучето. Ако устата му е полуотворена со испакнат јазик, тој е среќен“, додаде таа.

На крајот, д-р Левин верува дека најдоброто нешто што може да го направи сопственикот на кучето е да научи да го чита говорот на телото на своето милениче.

“Тие ни кажуваат како се чувствуваат цело време. Ние само треба да научиме да ги читаме. Не сме родени знаејќи го тоа – ниту еден сопственик на куче не треба да се чувствува виновен што не може да го чита говорот на телото на своето куче. Но, има многу ресурси кои можете да ги користите за да научите како тие комуницираат“, рече таа.