Би-би-си њуз вчера објави дека приватниот авион на канадската суперѕвезда бил забележан на пистата во Базел, швајцарскиот град домаќин на овогодинешниот избор за песна на Евровизија.

Некои медиуми шпекулираат дека таа би можела да настапи, додека други веруваат дека можеби само ќе биде свечено претставена во земјата каде што победи на Евровизија на почетокот на нејзината кариера. Шпекулациите беа дополнително поттикнати од изјавата на директорот на Евровизија, Мартин Грин.

„Дедо Мраз постои и ќе мора да почекате и да видите“, изјави тој на прес-конференција во Базел.

Би-би-си наведува дека дискусиите сè уште се во тек, а нејзиното потенцијално појавување е неизвесно поради нејзините здравствени проблеми.

Селион Дион победи на Евровизискиот натпревар во 1988 година, претставувајќи ја Швајцарија со песната „Ne partez pas sans moi“, и таа постојано го истакнуваше тоа искуство како клучна пресвртница за нејзината кариера.