Виртуелната пејачка Ксанија Моне, која е генерирана од вештачка интелигенција, а зад чие создавање стои Телиша Џонс, 31-годишна Американка, потпиша договор вреден 3 милиони долари, пишуваат странските медиуми.

So it Begins: First AI singer tops Billboard charts, bags a US$3M record deal‼️

Billboard reported AI-generated R&B artist Xania Monet signed a US$3m deal with record label Hallwood Media. The Human creator of this ai happily accepted the money. What are your thoughts on this?🤯 pic.twitter.com/SJpROgr5DL

— Theresa Longo Fans (@BarkJack_) September 30, 2025

Ксанија Моне дебитира на американските топ листи со глас кој потсетува и на Бијонсе и на Алиша Кис. Во последните месеци, нејзината песна „How Was I Supposed To Know?“, од албумот Unfolded, објавен во август, има речиси два милиони преслушувања на Spotify. Исто така, песната се искачи во топ 10 на Билборд за продажба на Ар-ен-би дигитални песни и достигна 22-ро место на вкупната листа за продажба на дигитални песни. А нејзиниот каталог од пет песни досега генерираше приход од околу 52.000 долари.

Телиша Џонс пишува оригинални текстови и ја користи платформата Суно за да ги генерира песните на Ксанија Мона според нејзините упатства. Платформата Суно, која користи генеративна вештачка интелигенција за создавање музика со одредување на стилот, структурата и расположението, самата се најде на удар.

Големите издавачки куќи „Јуниверзал“, „Ворнер“ и „Сони“ ја обвинија за нелегално користење на нивните каталози за обука на нивните алгоритми, што покренува голем број прашања за легалноста и етиката на овој вид креативност.