Самопрогласената република Приднестровје во Молдавија, која има свој Устав, армија, валута и знаме, но никогаш не била призната од меѓународната заедница, би можела да биде вовлечена во руско-украинскиот конфликт. Ова меѓудругото е дилемата на американските медуми, кои пишуваат дека последните експлозии и напади врз безбедносните сили во отцепениот молдавски регион говорат дека е можна безбедносна импликација на соседните земји со украинско-рускиот воен конфликт.

Рускиот генерал минатата недела изјави дека целта на армијата е „целосна контрола“ над источниот регион Донбас и јужна Украина и да добие пристап до Приднестровје, отцепена територија во соседна Молдавија.

Вршителот на должноста командант на рускиот Централен воен округ, генерал-мајор Рустам Минекаев, рече дека целта е да се создаде копнен коридор меѓу Донбас и Крим, кој Русија го анектираше во 2014 година.

Тероризам или обид на руските тајни служби за дестабилизација?

Експлозии одекнаа во понеделникот во Тираспол, главниот град на Приднестровје, што украинското Министерство за надворешни работи го нарече „планирана провокација“ на руските тајни служби.

Министерството за внатрешни работи на самопрогласеното Приднестровје денеска соопшти дека имало две нови експлозии во селото Мајак, во областа Григориопол.

Експлозиите оневозможија две од најсилните антени на радио центарот кои емитуваат руско радио. Во експлозиите нема повредени.

Транснистрискиот радио и телевизиски центар е еден од 14-те радио предаватели на поранешна ССР. Може да се емитува во САД, Блискиот Исток и Латинска Америка. Изградена е во доцните шеесетти години на минатиот век.

Според прелиминарните податоци на Министерството за внатрешни работи на непризнатата Придњестровска Молдавска Република, неколку гранати биле испукани кон зградата на Министерството за државна безбедност во Тираспол од рачен противтенковски фрлач.

Зошто Приднестровје е важно за Путин?

Приднестровје се наоѓа помеѓу Украина и остатокот од Молдавија и има вкупна површина од 4.163 квадратни километри. Таму живеат околу половина милион луѓе, од кои повеќето зборуваат руски.

Приднестровје прогласи независност од поранешната советска република Молдавија по двегодишната војна (1990-1992) што избувна за време на падот на Советскиот Сојуз.

Русите го поддржаа Приднестровје, но никогаш не ја признаа како независна држава. Конфликтот меѓу молдавската влада и сепаратистите заврши со прекин на огнот во 1992 година. Сепак, таму остануваат околу 1.500 руски војници.

Изјавата на генералот Минекаев за стратегијата на Русија во втората фаза од конфликтот доведе до метеж во Молдавија, која го отповика рускиот амбасадор.

„Изјавите за Приднестровје се „неосновани и се во спротивност со ставот на Руската Федерација, која го поддржува суверенитетот и територијалниот интегритет на Република Молдавија, во нејзините меѓународно признати граници“, соопшти молдавското Министерство за надворешни работи и европски интеграции.

Министерството додаде дека за време на состанокот со рускиот амбасадор, молдавските власти повториле дека земјата е „неутрална држава и нејзините принципи мора да бидат почитувани од сите меѓународни актери, вклучително и Руската Федерација“.

Некои воени аналитичари се сомневаат дека Русија планира да се потпре на Приднестровје за логистичка поддршка и да ја искористи својата стратешка позиција за да воспостави копнен коридор долж Црното Море за да го освои пристанишниот град Одеса.

„Црвен аларм“ и подготвеност за внатрешни немири

Инаку Молдавија денеска воведе и „црвен“ аларм поради опасност од тероризам, што и официјално го покажа стравот од прелевање на конфликтот во Украина на нејзина територија.

Молдавската претседателка Маја Санда свика седница на Врховниот совет за безбедност поради експлозиите во Придњестровје, соопшти прес-службата на претседателската администрација.

Претходно Министерството за внатрешни работи на непризнатата Приднестровска Молдавска Република соопшти дека во населбата Мајак во Григориополската област одекнале две експлозии, како резултат на кои биле оневозможени двете најсилни антени на радио центарот, преку кој се емитувало руското радио.

Министерството за внатрешни работи на самопрогласеното Придњестровје, на истокот на Молдавија, соопшти дека имало две експлозии во селото Мајак, во областа Григориопол. Во експлозиите нема повредени.

ВИДЕО | Две експлозии во молдавско село во Приднестровје на границата со Украина