Информациите за бременоста на Руни Мара се чуваа во строга тајност од јавноста, па се претпоставуваше дека Руни и Хоакин Феникс нема да зборат за раѓањето на нивниот син.

Никој не се изненади кога оскаровецот Хоакин го именува неговиот син по неговиот покоен брат Ривер Феникс, кој починал во 1993 година.

„Најголемо влијание во животот на Хоакин беше токму Ривер. Кога и некој да го спомнеше името на неговиот брат, Хоакин секогаш се загледаше во некоја точка и луташе со мислите. На неговото лице можеше да се види колку неговата смрт го боли. Сѐ уште. Тој е секогаш присутен“, изјавил еден од високите холивудски функционери, кој со години работел со Феникс.

Веста дека синот на Хоакин се вика Ривер со јавноста ја сподели режисерот Виктор Косаковски на филмскиот фестивал во Цирих, за време на прес-конференција на која, поради раѓањето на неговиот син Феникс не присуствувал.

Хоакин Феникс и Руни Марa во тајност станаа родители – Синот ќе го носи името на неговиот починат брат (ВИДЕО)

„Тој е еден од најдобрите актери во неговата генерација, но од друга страна Хоакин мрази интервјуа, не им верува на медиумите и има само мала група пријатели со кои се дружи. Ретко излегува и дури не оди на проби со други актери. Многу од неговите колеги немаа ниту шанса да се сретнат со него! Мислам дека му се допаѓа што е мистерија за другите. А напротив, тој е мистерија и за себе“, изјавил еден негов соработник.

„Цел живот бев никаквец, себичен. Постојано бев суров, беше тешко да се работи со мене и сум благодарен што многумина од вас во оваа просторија сепак ми дадоа втора шанса“, беше дел од оскаровскиот говор на Хоакин.

Патем, Хоакин Феникс како дете не бил толку опседнат со глума, и покрај некои помали улоги во телевизиски серии и филмови. Но, сето тоа се сменило кога починал неговиот брат Ривер кој исто така бил актер.

„Сето тоа беше поради сеќавањето на Ривер, затоа тој реши да стане актер. Ако Ривер беше уште жив, не сум сигурен дали Хоакин некогаш ќе станеше светски познат актер. Можеби ќе беше ветеринар, министер, музичар“, открил извор близок до Хоакин.

По смртта на Ривер, Хоакин почувствувал дека мора да се врати на глумата, верувајќи дека така ќе го задржи споменот за него работејќи го она што го обожавал неговиот брат.

Извори блиски на актерот велат дека Хоакин го идолизирал Ривер кој бил познат по тоа што ја презирал славата во Холивуд и сакал да биде анонимен.