За многу жени, огромен е шокот кога по губењето на тежината и враќањето на витата фигура, ќе почне да им опаѓа косата.

Иако кето-диетата е популарна во последните неколку години, оваа исхрана, всушност, има долга историја во клиничката медицина и е применувана во третманот на бројни ендокрини дисбаланси. Се смета дека хроничната кетоза има уникатни метаболички бенефити кај дијабетесот, синдромот на полицистични јајчници, инсулинската резистенција, но и за спречување на карцином и невродегенеративни заболувања. Базирано на досегашните научни податоци, добро контролирана и балансирана кето-исхрана нема сериозни нуспојави и се смета дека треба да биде прв избор во третманот на дебелината и дијабетесот.

Поврзаноста на кето-диетата и косата

Сепак, еден од минорните медицински, но главна емоционална нуспојава која се поврзува со кето-исхраната е опаѓањето на косата. За многу жени, огромен е шокот кога по губењето на тежината и враќањето на витата фигура, ќе почне да им опаѓа косата. Дали опаѓањето на косата е навистина поврзано со кето-исхраната и што можеме да преземеме поврзано за тоа, ја прашавме д-р
Елена Арсова, трихолог од „HairClinicBeograd“.

– Опаѓањето на косата може да се појави кај мал процент на луѓе кои ја применуваат кето-исхраната. Но, она што сите мора да го знамеме е дека опаѓањето на косата може да се појави кога ќе се започне со која било диета, а не исклучиво со кето-диетата. Едноставно кажано, кога ќе почнеме со некоја рестриктивна диета нашето тело доживува физиолошки шок затоа што одредени нутритивни состојки, како во квалитет, така и во квантитет му се одеднаш ограничени – објаснува д-р Арсова.

Кај кето-исхраната, во активната фаза, значително е намален внесот на калории, а промената е насочена кон намалување на јаглехидратите, намалување на протеините, а зголемување на мастите. Иако е малку необично, со оглед на тоа што кето-диетата често ја нарекуваме протеинска диета,
причината за опаѓање на косата во текот на кето-диетата е најчесто поради хипопротеинемија, односно слабиот внес на протеините. Често пациентите само претеруваат со редукцијата на протеините во првата фаза, поради тоа што не го следат кето-протоколот.

А, нашето тело во услови на недостаток на протеини почнува да штеди и не доставува доволно протеини за косата. Косата е протеинска структура и потребни ѝ се аминокиселини и протеини за да се формира. Кога истите недостасуваат, или некои одредени аминокиселини, тогаш фоликулот на
влакното го вклучува својот механизам на штедење и од фаза на раст влегува во фаза на мирување, и потоа опаѓање. Опаѓањето на косата се појавува 2-3 месеци по почетокот на диетата и трае 2-3 месеци. Притоа, опаѓаат 200-300 влакна на ден. Овој тип на опаѓање на коса се вика телоген ефлувиум.

Но, најзначајно е дека ова опаѓање е реверзибилно и косата најчесто повторно израснува кај личностите со нормална густина на косата. Но, опаѓањето може да остави последици по густината на косата кај луѓето кои и пред отпочувањето со кето-исхраната имаат проретчување. Истенчување на косата се појавува многу често кај пациентки со синдром на полицистични јајчници (ПЦОС) или
инсулинска резистенција, а токму за таа група на пациенти кето-исхраната е најпрепорачлива. Кај овие пациенти веќе постои примарно оштетување на фоликулот на влакното поради дисбалансот во хормоните, па опаѓањето во текот на кето-исхраната е нов „удар“ за веќе слабиот корен на влакното.
Поради тоа, освен истенчувањето на косата поради примарниот проблем со половите хормони или инсулинот, овие пациентки имаат и бран на опаѓање на косата. Но, губитокот на косата може лесно да се третира и да се стави под контрола со адекватен план на терапија, воден од доктор трихолог. А, потоа, се продолжува со третман за стимулација на растот на косата за да се врати
изгубената коса.

Д-р Арсова вели дека мора да нагласи дека долгорочно гледано, хормоналниот баланс кој се постигнува со кето-исхраната е од голема помош во резултатите во растот на косата. Ова привремено опаѓање е само кратка фаза која може да се реши. Но, со нормализација на половите хормони и инсулинот после кето-исхраната, се создаваат идеални услови за повторен раст на нова коса.

Не правете ништо на своја рака

Препораката на д-р Арсова е пациентите кои почнуваат со кето-исхрана да се држат до правилата на исхраната и ништо да не прават на своја рака, затоа што тогаш настануваат најголемите проблеми. Најзначаен е внесот на протеини. Мора да се земаат по еден грам на килограм телесна тежина, дневно. Притоа треба да бидат опфатени протеините кои содржат аминокиселини како лизин, метионин, цистеин и аргинин. Потоа, витамините. Сите витамини од групата Б се потребни, а особено биотинот.

Д-р Арсова препорачува и Б3, Б5, Б6, Б12, а секако неопходни се витамините Ц и Д. И последни во низата се минералите како цинк, селен, магнезиум, натриум, калциум. Исто така, и омега-3 масните киселини треба да се вклучат во исхраната.

Доколку постои проретчување на косата пред почетокот со кето-диетата, д-р Арсова советува преглед на косата и фоликулот на влакното за да се постави точна дијагноза и да се испланира стратегија за третман. Само на тој начин може да се има полна контрола над циклусот на растот на косата, така што по диетата, жените ќе добијат и одлична фигура и одлична коса.