Почна сезоната на грип, настинки, кивање и кашлање. Освен класичните симптоми како течење на носот, кивање или температура, болките во грлото се исто така чест симптом на овие болести.

Наместо фармацевтски препарати и лекови, со воспаленото грло и болките можете да се борите од удобноста на вашиот дом и ќе ви бидат потребни само две состојки коишто сигурно ги имате.

Иако можеби ви изгледа како старомоден метод, модерната медицина ги потврдува неговите бројни предности.

Зошто гаргарањето со солена вода е ефикасно?

Гаргарањето (плакнењето) со солена вода дејствува од неколку причини. Солената вода помага да се намали отокот и воспалението во грлото со привлекување на вишокот течност од ткивата. Солта исто така има и благи антибактериски и антивирусни својства кои можат да помогнат во борбата против инфекциите.

Ако се работи за бактериска инфекција, солената вода помага да се врати рамнотежата на пХ вредноста во устата и грлото, создавајќи неповолна средина за раст на бактериите. Конечно, гаргарањето (плакнењето) со солена вода помага да се разреди насобраната слуз во грлото и дишните патишта за полесно да се искашла.

Како да направите солен раствор за плакнење на грлото?

Оваа постапка повторувајте ја неколкупати на ден, а доколку проблемите со грлото не престанат по една недела или се појават други симптоми како висока телесна температура, отежнато голтање или бели дамки на крајниците, побарајте лекарска помош.

Во чаша сипете приближно 200 мл топла вода. Ќе ви треба топла вода бидејќи, покрај тоа што помага да се раствори солта, исто така е попријатна за иритираното грло.

Во топлата вода потоа додадете една лажичка сол и добро измешајте.

Ако имате силна иритација и чувствително грло, можете да ставите помалку сол доколку е потребно или да додадете други состојки како мед за да ја ублажите иритацијата.

Откако солта ќе се раствори во водата, плакнете го грлото со овој раствор од 10 до 15 секунди, а потоа исплукајте го.