Фудбалерот на Астон Вила, Марко Асенсио е во извонредна форма откако оваа зима пристигна во Англија на позајмица од ПСЖ.

Шпанецот феноменално добро се вклопи во системот на игра на Унаи Емери и веќе постигна седум гола во дресот на Вила. Така клубот полека го подготвува теренот за откуп на неговиот договор на лето.

Ужива да игра со Леон Бејли, Морган Роџерс, Џејкоб Ремзи, Маркус Рашфорд и за кратко време стана важен дел од тимот.

Сепак, во четвртфиналето на Лигата на шампионите, неговиот тим се соочува со натпревар против својот ПСЖ.

Се поставува прашањето дали Шпанецот има право да игра против францускиот клуб. Одговорот е да. Договорот меѓу двата клуба не вклучува клаузула која му забранува да игра во случај меѓусебно да се сретнат.