Десет мобилни тимови на Црвениот крст на град Скопје од утре им се на располагање на ранливите категории граѓани кои имаат потреба од помош околу обезбедување на потребни производи. Тимовите ќе бидат распоредени на пет локации во градот.

Дополнителен тим ќе биде ангажиран за бездомните лица лоциран во Момин Поток.

Дополнително, од утре почнуваат да функционираат и две СОС-телефонски линии на Црвениот крст на Град Скопје, преку кои секој работен ден граѓаните ќе можат да добијат психо-социјална поддршка за полесно справување со стресот предизвикан од актуелната состојба. Старите и изнемоштените лица на кои им е потребна психо-социјална поддршка можат да се јават на телефонскиот број: 075/352-246, а останатите граѓани на телефонскиот број: 071/379-119.

Мобилните тимови ќе функционираат секој работен ден од 08.30 до 12.30 часот, а нивната задача ќе биде да извршат неопходна набавка на лекови, прехранбени производи и средства за лична хигиена и да ги достават до домовите на старите, изнемоштени лица кои живеат сами, хронично болните лица, до семејства со лица со посебни потреби, самохрани родители и други ранливи категории на граѓани кои живеат во Скопје.

За повикување на мобилните тимови граѓаните ќе можат да ги користат следните телефонски броеви, според местото на живеење:

• Црвен крст Центар:                      070/297-166    02/3115-029
• Црвен крст Кисела Вода:            070/379456     02/3211–417
• Црвен крст Чаир:                          070/208383    02/2621–924
• Црвен крст Карпош:                     070/226136     02/3068–806
• Црвен крст Гази Баба:                 071/243078     02/2529–153
• Тим за бездомни лица                                            02/3096-227