Вицепремиерката за економски прашања Мила Царовска одржа координација со преставници на граѓанските организации Гласен текстилец, Хелсиншки комитет, ХЕРА, Платформата за борба против сиромаштија, Мрежата против насилство врз жените и УНДП, на која беше истакнато дека Владата вложува максимални напори за да ги заштити и работниците но и бизнисот. Таа пред присутните порача дека никој не треба да биде губитник од целата оваа ситуација, информираат од нејзиниот кабинет.

Тема на разговор било и спроведувањето на мерките и препораките на Владата во делот на заштита на работничките права, инспекциските надзори, почитувањето на протоколите од страна на работниците и копаниите и можностите за користење на државна помош во случај на губење на работа.

Се зборувало и за правото на користење на родителкото платено отсуство за работници коишто имаат деца на возраст до 10 години.

На состанокот граѓанските организации пренеле свои видувања, предлози и сугестии коишто би помогнат во носењето нови мерки за полесно справување со здравствено-економската криза предизвикана од Ковид-19.