Центарот за управување со кризи информира дека до 12:30 часот денеска биле регистрирани два пожара на отворено низ државата.

Едниот пожар зафатил приземен дел на Кожуф планина, во општина Гевгелија, и е ставен под контрола. Вториот пожар избувнал во кавадаречкото село Ваташа, каде горела ниска вегетација, но бил целосно изгаснат.

Надлежните апелираат на внимателност при движење во природа и со употребата на оган, со цел да се избегнат нови пожари.